Anthropic выкаціла другі прадукт — Claude Design. Гэта новая прылада ад Anthropic Labs для візуальнай працы: дызайн, прататыпы, слайды, ваншытары. Працуе на Opus 4.7, даступны ў research preview для падпісчыкаў Pro, Max, Team і Enterprise. Раскочваюць пакрысе цягам дня.

Што ўмее

Апісваеш словамі, што трэба — Claude робіць першую версію. Далей правіш: праз чат, каментары ў канкрэтных месцах, прамое рэдагаванне ці слайдары, якія Claude сам і стварае пад тваю задачу. Калі даць доступ да кодбазы і дызайн-файлаў — падцягне брэнд-сістэму каманды і будзе трымацца яе ва ўсіх праектах.

Імпарт адусюль: тэкст, карцінкі, DOCX, PPTX, XLSX, кодбаза. Ёсць web capture — хапае элементы прама з твайго сайта, каб прататып быў падобны на рэальны прадукт.

Экспарт куды захочаш: URL для каманды, тэчка, Canva, PDF, PPTX, асобны HTML. Гатовы дызайн можна адным клікам перадаць у Claude Code на рэалізацыю.

Каму трэба

• Дызайнерам — хутка накідаць дзесяць варыянтаў замест трох, рабіць інтэрактыўныя прататыпы без PR-аў
• PM — wireframe’ы і флоу за 5 хвілін
• Фаўндэрам і маркетолагам — пітч-дэкі, лэндынгі, соцсеткі без дызайнера
• Усім астатнім — хто мае ідэю, але не ўмее ў Figma

Як паспрабаваць

Патрэбна падпіска Pro ($20/мес), Max, Team ці Enterprise. Бясплатны тарыф пакуль не запрашаюць. Раскочваюць цягам дня — калі не бачыш у інтэрфейсе, пачакай.